ການຮ່ວມມືລະຫວ່າງໂຮງຮຽນ ແລະຫົວໜ່ວຍທຸລະກິດ

ເພື່ອສົ່ງເສີມການແລກປ່ຽນເສດຖະກິດ ແລະ ວັດທະນະທໍາລະຫວ່າງ ລາວຈີນ

ພິທີມອບທືນການສຶກສາທະນາຄານລາວຈີນຈັດຂື້ນທີ່ມະຫາວິທະຍາໄລແຫ່ງຊາດ

 

          ວັນທີ່29ມີນາປີ2019 ທະນາຄານລາວຈິນ ແລະ ມະຫາວິທະຍາໄລແຫ່ງສະຖາບັນຂົງຈືໄດ້ຈັດພິທີເຊັນສັນຍາມອບທຶນການສຶກສາທະນາຄານ ລາວຈີນ ແລະ ສັນຍາຈັດຕັ້ງບ່ອນຝຶກງານໃຫ້ນັກສຶກສາຈາກສະຖານບັນຂົງຈືໂດຍພິທີດັ່ງກ່າວໄດ້ຈັດຂື້ນທີ່ມະຫາວິທະຍາໄລແຫ່ງຊາດລາວ

 

 

          ພິທີດັ່ງກ່າວໄດ້ມີແຂກບຸກຄົນສຳຄັນເຂົ້າຮ່ວມພ້ອມທັງເປັນສັກຂີພະຍານຄື: ທ່ານ ຮສ ປອ ພຸດ ສິມມາລາວົງ ຮອງອະທິການບໍດີ ມຊ, ທ່ານ ສຸພັກ ຖີ່ນໄຊພອນ ຮອງຜູ້ອໍານວຍການທະນາຄານການຄ້າຕ່າງປະເທດລາວ(ປະທານສະພາບໍລິຫານທະນາ ຄານລາວຈີນ),ທ່ານ ບຸນລັດ ສຸຕິສັກ ຮອງຜູ້ອໍານວຍການທະນາຄານລາວຈີນ ຈໍາກັດ, ທ່ານ ນາງ ກິນນະລີ ເລຂາຄະນະສະພາບໍລິຫານທະນາຄານລາວຈີນ, ອໍານວຍການສະຖາບັນຂົງຈື ຝ່າຍລາວ ຝ່າຍຈີນພ້ອມດ້ວຍບັນດາຫົວໜ້າຫ້ອງການ, ຄູອາຈານ, ນັກສຶກສາທີ່ໄດ້ຮັບທຶນຈຳນວນ 50 ນ້ອງ ກໍ່ໄດ້ເຂົ້າຮ່ວມຢ່າງພ້ອມພຽງຮຽງໜ້າ

          ເພື່ອສົ່ງເສີມໃຫ້ຜູ້ຮຽນຮູ້ພາສາຈີນໃນ ສປປລ ໄດ້ຮັບການສຶກສາຢ່າງເປັນມືອາຊີບ, ເປັນລະບົບ ແລະ ເຂົ້າໃຈການ​ສຶກສາ​ພາສາ​ຈີນຫລາຍກ່ວາເກົ່າ ທັງເພື່ອເປັນການປູກຝັງແນວຄິດໃຫ້ນັກສຶກສາກາຍເປັນທູດຜູ້ສົ່ງເສີມການ​ພົວພັນ​ທາງ​ດ້ານເສດຖະກິດ,ວັດທະນາ​ທໍາສອງຊາດ ລາວ-ຈີນ. ວັນທີ 01 ພະຈິກ 2018 ທະນະຄານລາວຈີນ ແລະ ສະຖາບັນຂົງຈື ຈື່ງໄດ້ເຊັນສັນຍາມອບທຶນການສຶກສາຂື້ນໃນມື້ກອງປະຊຸມໃຫຍ່ສະຖາບັນຂົງຈືໃນຂົງເຂດອາຊີອາຄະເນທີ່ ໂຮງ ແຮມດອນຈັນພາເລັດ ທືນຮອນດັ່ງກ່າວລວມມູນຄ່າ 150.000.000 ລ້ານກີບ, ໄລຍະເວລາຮຽນຕໍ່ທືນແມ່ນ3ປີ ແລະ ກວມເອົານັກສຶກສາ 300 ຄົນແມ່ນສາມາດເຂົ້າເຖີງໄດ້.

 

ຫຼັງຈາກທີ່ທັງສອງຝ່າຍໄດ້ຮ່ວມກັນລົງລາຍເຊັນ ການມອບເງິນທືນເພື່ອສົ່ງເສີມການສຶກສາແລ້ວເພື່ອເປັນການພັກດັນການແລກປ່ຽນທາງດ້ານເສດ ຖະກິດ, ວັດທະນະ​ທໍາ​ຂອງ​ສອງ​ປະ​ເທດ​ລາວ - ຈີນ, ​ເພື່ອ​ເປັນ​ບ່ອນ​ພັດທະນາ​ບຸກຄະລາ​ກອນ​ທາງ​ດ້ານ​ພາສາ​ຈີນ​ໃຫ້​ແກ່​ປະ​ເທດ​ລາວ, ພ້ອມ​ກັນ​ນັ້ນ​ຍັງ​ເພື່ອ​ເປັນ​ການ​ພັກ​ດັນ​ການ​ຮ່ວມ​ມື​ລະຫວ່າງ​​ໂຮງຮຽນ​ ແລະ​ ຫົວໜ່ວຍ​ທຸລະ​ກິດ, ຕ່າງ​ຝ່າ​ຍຕ່າງ​ໄດ້​ສະ​ແດງ​ເຖິງ​ຈຸດ​ເດັ່ນ, ບັນລຸ​ການ​ແບ່ງປັນ​ດ້ານ​ຊັບພະຍາກອນ​ ​ແລະ ພ້ອມ​ກັນ​ພັດທະນາ ຜ່ານ​ການ​ປຶກສາ​ຫາລື​ຂອງ​ທັງ​ສອງ​ຝ່າຍ ​ທະ​ນາຄາ​ນລາວຈີນ ຈໍາກັດ ເຫັນດີສະໜອງ​ບ່ອນ​ຝຶກ​ງານໃຫ້ນັກສຶກສາ ສະ​ຖາ​ບັນ​ຂົງຈື ມະຫາ​ວິທະຍາ​ໄລ​ແຫ່ງ​ຊາດ ແລະ ສະຖາບັນຂົງຈືຈະ​ເປັນ​ບ່ອນ​ຝຶກ​ອົບຮົມ​ບຸກຄະລາ​ກອນ​ໃຫ້​ແກ່​ທະນາຄານລາວຈີນ; ເພື່ອຍົກສູງປະສິດຕິພາບໃນການພັດທະນາພາສາຈີນ ແລະ ໂອກາດຂອງນັກສຶກສາໃນທ້ອງຖີ່ນໂດຍສະເພາະຜູ້ສົນໃຈພາສາຈີນ ແລະ ການເງີນ ການທະນາຄານເປັນຕົ້ນ.

ວັນທີ່ 29 ມີນາ 2019 ກໍ່ໄດ້ມີນັກສຶກສາ ຂອງສະຖາບັນຂົງຈື 50 ນ້ອງທໍາອິດທີ່ໄດ້ຮັບທືນການສຶກສາທະນາຄານລາວຈີນພ້ອມກັບຮັບໃບຢັ້ງຢືນໃນການຮັບທືນ. ໃນເວລາດັ່ງກ່າວ ທະນາຄານລາວຈີນເອງກໍ່ພ້ອມທີ່ຈະຕອບສະໜອງສະຖານທີ່ຝຶກງານໃຫ້ນັກສຶກສາຈາກມະຫາວິທະຍາໄລແຫ່ງຊາດສະຖາບັນຂົງຈື, ເພື່ອເປັນການສັນລະເສີນຄຸນງາມ ຄວາມດີສະຖາບັນຂົງຈືເອງກໍ່ໄດ້ມອບໃບກຽດຕິຄຸນໃຫ້ທະນາຄານລາວຈີນ.

ການຈັດຕັ້ງທຶນການສຶກສາ ແລະ ສະຖານທີ່ຝຶກງານໃຫ້ນັກສຶກສາຈາກສະຖາບັນຂົງຈືແມ່ນຈຸດເລີ່ມຕົ້ນການຮ່ວມມືອັນດັບທຳອິດ, ໃນອານະຄົດທັງສອງຝ່າຍຍັງຈະເສີມຂະຫຍາຍດໍາເນີນການແລກປ່ຽນຮ່ວມມືໃຫ້ລຶກຊື້ງກວ່າເກົ່າ ,ເພື່ອໃຫ້ຄົນທ້ອງຖີ່ນໄດ້ມີການຝຶກຝົນຮຽນຮູ້ທາງການເງີນ ແລະ ພາສາຈີນ, ເພື່ອທີ່ຈະໄດ້ສົ່ງເສີມການພັດທະນາເສດຖະກິດທ້ອງຖີ່ນ, ພ້ອມທັງການແລກປ່ຽນດ້ານເສດຖະກິດ ແລະ ນະວັດຕະກໍາການພັດທະນາລະຫວ່າງສອງຊາດລາວຈີນດັ່ງຄຳທີ່ວ່າ “ເພື່ອນບ້ານທີ່ດີ, ໝູ່ເພື່ອນທີ່ດີ, ມິດສະຫາຍທີ່ດີ, ຄູ່ຮ່ວມທຸລະກິດທີ່ດີ”